Bankın Müşahidə Şurasının qərarı ilə bank, hüquq və nəzarət sahəsində uzunillik təcrübəyə malik Samir Azadxan oğlu Tağıyev Komplayens departamentinin direktoru, zəngin bankçılıq və risk menecmenti təcrübəsinə malik Elnur Yavər oğlu Məmmədov Risklərin İdarə Edilməsi departamentinin direktoru vəzifələrinə təyin olunublar.

Samir Azadxan oğlu Tağıyev – Azərbaycan Respublikasının Prezidenti yanında Dövlət İdarəçilik Akademiyasında Hüquqşünaslıq ixtisası üzrə bakalavr təhsili, Bakı Dövlət Universitetində hüquq üzrə, Azərbaycan Dövlət İqtisad Universitetində isə Biznesin Təşkili və İdarəedilməsi üzrə magistr təhsili almışdır.

O, 2012 – 2016-cı illərdə "Dəmirbank” ASC-də Hüquq departamentinin Bank Fəaliyyətinin Hüquqi Tənzimlənməsi şöbəsinin müdiri vəzifəsinə qədər yüksəlib.

2016–2021-ci illərdə "Yelo Bank”ASC-də müxtəlif vəzifələrdə çalışaraq, son olaraq Hüquq departamentinin direktoru vəzifəsini tutub. 2021–2022-ci illərdə "Kapital Bank” ASC-də Hüquq və Komplayens departamentində şöbə rəisi kimi fəaliyyətini davam etdirib.

Karyerasının davamında, 2022-2025-ci illər ərzində "Hüquqi Ekspertiza və Qanunvericilik Təşəbbüsləri Mərkəzi" publik hüquqi şəxsdə şöbə müdiri vəzifəsində çalışıb.

Bundan sonra "Expressbank” ASC-nin Korporativ Hüquq şöbəsinin rəhbəri olaraq fəaliyyətinə davam edib.

Elnur Yavər oğlu Məmmədov – Azərbaycan Dövlət İqtisad Universitetində Maliyyə-kredit ixtisası üzrə bakalavr, Azərbaycan Dövlət Neft və Sənaye Universitetində Biznesin İdarə Edilməsi (MBA) üzrə magistr pilləsini tamamlamışdır.

O, 2008 – 2015- ci illər ərzində "Yapı Kredi Bank” QSC-də və "TuranBank” ASC-də müxtəlif vəzifələrdə çalışaraq əməliyyat risklərinin idarə edilməsi sahəsində mühüm təcrübə qazanıb və Əməliyyat, İmic və Strateji Risklərin İdarə Edilməsi şöbəsinin müdir müavini vəzifəsinə qədər yüksəlib.

2015 – 2019-cu illərdə "AtaBank" ASC-də Risk Menecmenti departamentinin Əməliyyat Risklərinə Nəzarət şöbəsinin rəisi vəzifəsinə qədər karyera yüksəlişi əldə edib.

2019-cu ildə fəaliyyətini Azərbaycan Respublikasının Maliyyə Bazarlarına Nəzarət Palatasında davam etdirən Elnur Məmmədov burada makroprudensial nəzarət və risklərin idarə edilməsi istiqamətində çalışıb.

2020-ci ildən etibarən isə Azərbaycan Respublikasının Mərkəzi Bankında müxtəlif vəzifələrdə fəaliyyət göstərib. O, prudensial siyasət üzrə aparıcı və böyük analitik, daha sonra Əməliyyat Riskləri şöbəsinin rəisi, son olaraq isə Risklərin İdarə Edilməsi departamentinin Strateji və Əməliyyat Risklərinin İdarə Edilməsi şöbəsinin rəisi vəzifəsində çalışıb.

Bank yeni təyinatların idarəetmə strukturunun daha da gücləndirilməsinə, risklərin effektiv idarə olunmasına və komplayens mühitinin beynəlxalq standartlara uyğun inkişafına mühüm töhfə verəcəyinə inanır.

"Expressbank” ASC ARMB tərəfindən 30 dekabr 1992-ci il tarixində verilmiş №119 lisenziya əsasında fəaliyyət göstərir. Ünvan: Bakı şəh., Y.V.Çəmənzəminli küç., 134C.