İspaniyalı tennisçi Karlos Alkaras Barselona Açıq Çempionatında (Barselona Open) ardıcıl ikinci titulunu qazanıb.
Qaynarinfo-nun məlumatına görə, Alkaras öz ölkəsində növbəti dəfə çempion olub. Barselona şəhərində keçirilən turnirin finalında Alkaras yunan tennisçi Stefanos Tsitsipasla qarşılaşıb. 1 saat 18 dəqiqə davam edən mübarizədən sonra rəqibini 2:0 hesabı (6:3, 6:4) ilə məğlub edən Alkaras kubokun qalibi adını qazanıb.
Bu onun "Barcelona Open”də ardıcıl ikinci qələbəsi olub. Turnirdə ikinci dəfə zirvəyə yüksələn 19 yaşlı tennisçi karyerasında 9-cu dəfə ATP yarışlarının qalibi olub.
Alkaras və Tsitsipas, serbiyalı Novak Cokoviç və ispaniyalı Rafael Nadalın zədə üzündən iştirak edə bilməyəcəyi "Madrid Open ATP 1000” turnirində "səpələnmişlər" sırasında olacaq.
Səbuhi Həsənov
Şərhlər